القران الكريم
المواضيع المميزة
المواضيع الجديدة
المنتدى الاسلامى العام

الإهداءات



أريد حلا شكاوى شخصية جدا للعضوات يكتبنها و هن متخفيات و راء عضوية (حورية محتارة)


8 معجبون
إضافة رد
  #1  
قديم 18-08-2016, 11:14 PM
الصورة الرمزية حورية محتارة
حورية محتارة حورية محتارة غير متواجد حالياً
 
تاريخ التسجيل: Mar 2016
المشاركات: 88
معدل تقييم المستوى: 2
حورية محتارة is on a distinguished road
افتراضي لو انتى مكانى و اخوكى كده هتتصرفى معاه ازاى ؟

انا : حورية محتارة


بسم الله الرحمن الرحيم

السلام عليكم ورحمة الله وبركاته

يا حوريات محتاجة اخد رأيكم فى شىء ضرورى جدا هاحكى شوية تفاصيل الاول علشان تفهموا الموضوع

انا بابا فردانى مالوش غير اخت واحدة وللاسف ما اتجوزتش وهى اكبر منه وكمان جدو وتيتة كانوا صعبين جدا مع ماما وديما خايفيين انه يبعد عنهم جدو وتيتة ماتوا من زمان لاكن عمتى لازالت عايشة ومقيمة معانا اقسم بالله لو قلتلكم كمية القرف والمشاكل اللى عملتها مع ماما ولا زالت بتعملها مش هتصدقوا يعنى ممكن تفتح على بابا وماما اوضة نومهم قبل الفجر ولما تلاقى ماما مشغولة تدخل تقلب اوضتها تفتيش

الموضوع ده عملنا عقدة نفسية كلنا صبيان وبنات وشوفنا ماما بتعانى اد ايه من عمايل سلفتها معاها لغاية ما ضغطها يعلى وتنزف ساعات تعيط وساعات تتخانق معاها وساعات تسكت وتفوض امرها لله خصوصا بعد وفاة جدو وتيتة وهى مالهاش حد غير بابا

اخواتى بنوا بيت لوحدهم فى ارض مبانى ملك بابا وا تجوزا اتنين والثالث لسه بيدرس لاكن هو كمان ناوى يسكن عندهم ومش عايزين يسكونا معانا بسبب عقدة عمتى معانا

الكبير ( صاحب المشكلة ) متجوز واحدة من نفس الشارع بتاعنا بس مش قريبتنا من يوم ما اتجوز وهو بعيد عننا وديما واخد جنب لدرجة انه من يوم ما اتجوز لغاية النهاردة عمره ما عزم حد فينا عنده حتى بابا وماما تخيلوا ومتجوز من خمس سنين

هو مدرس فى بلد عربى لما بينزل اجازة الصيف ماما بتعزموا هو ومراته اكتر من عشر مرات فى شهرين وهو عمره ما فكر يرد لماما عزومتها يعنى من الاخر مش عايز حد يروح يزوره او يدخل بيته

والحمد لله انا واختى مش بنحب الخروجات والزيارات المنزلية ابدا اختى فى الجامعة وانا باشتغل مدرسة

مرة قولتله عايزة عباية خروج سودا من عندك قالى ما اعرفش اشترى حريمى انتى مكانى اخوكى هتتصرفى معاه ازاى بعدها بفترة هو ونازل قالى اجيبلك ايه معايا قولتله هاتلى ازازة زيت شعر لان اللى عندى قربت تخلص ( اخويا التانى بيجبلى نوع ممتاااااز وكان جايبلى كمية بس لسه شوية على اجازته قولت اطلب من اللى نازل )من باب العشم على اساس اننا اخوات من اب وام يعنى انتى مكانى اخوكى هتتصرفى معاه ازاى
قالى هاجيبلك من الصغير اصل الكبير غالى وانا لو جبتلك سواء صغيرة او كبيرة لازم اجيب لاختك و مراتى ومرات اخوكى وكمان اخوات مراتى ( 3بنات )قولتله ما فيش مشكلة ولو عايز تجيبها واحاسبك على ثمنها عادى ( مع انى ساعدته فى جوازه ما كانتش الاعارة بتاعته جات وواخد منى فوق ال7 الاف جنيه ) اصلى بعيد عنكم هبلة وباصدق ان فى حاجة اسمها اخوات يشيلوا بعضهم لدرجة انى ما خليتش معايا فلوس اشترى طقم احضر بيه فرحواانتى مكانى اخوكى هتتصرفى معاه ازاى ورحت شحت لبس من واحدة صحبتى

شوفوا بقى المفاجأت اللى حصلت بعد كده

لما نزل واتكلمنا عن الزيت لقيت مراته بتقول ده بيجيب حاجات من الرخيصة الزيت اللى جابوا مش من الاصلى طبعا الكرتونة عندها وقرأت كل البيانات اللى عليها

تانى حاجة لما اخويا التانى نزل اجازة وكانوموجودين عندنا واتكلموا عن اللبس الحريمى لقيته بيقول لاخوه انا جيبت لمراتى كذا وكذا وكذا وهو مش واخد باله انى قاعدة انا وبابا بنتكلم فى موضوع وهما اللى موجودين فى بيتنا بابا قاله غريبة يا ابنى انت مش قولت ما بتعرفش تجيب هدوم حريمى ولا نوع اختك غير نوع مراتك ؟ ههههههه اتبرجل وما عرفش يرد وقاله انا هاراضى اختى بمعرفتى و لقيته بيطلعلى ورقة ب 100 جنيه انتى مكانى اخوكى هتتصرفى معاه ازاى وهو اخد منى الااااف مش باقولكم انى هبلة وهو فاكر انه هيضحك عليا مانا هبلة بقى انتى مكانى اخوكى هتتصرفى معاه ازاى

موقف كمان حصل وهو مسافر السنة اللى فاتت كنت رايحة شغلى ولازم اكون هناك قبل الساعة 8 علشان عندنا مرور من الادارة التعليمية بالمنطقة وهو لسه ما جاش يسلم علينا بابا قالى هتروحى شغلك من غير ما تسلمى على اخوكى يا حبيبتى ؟
قولتله طيب انا اعمل ايه ماانا لازم امشى دلوقتى ؟ قالى تعالى سلمى عليه فى بيته وانا كمان رايح اسلم عليه علشان عندى شغل ولازم امشى انا كمان

قولتله يا بابا اخويا مش بيحب حد مننا يروح يزوره وكمان هيكون موجود اهل مراته دلوقتى وهى بترحب باهلها جدا وانا اخويا براوى ويمكن اتضايق لو حسيت ان مرات اخويا مرحبة باهلها اكتر منى
المهم بابا اقنعنى انى اروح معاه ويا ريتنى ماروحت انتى مكانى اخوكى هتتصرفى معاه ازاى

دخلنا انا وبابا قعدنا فى الصالة وكانت هناك حماته وبنتها ( اخت مراته ) ولما سمع صوتنا كان بياخد شاور علشان خلاص الباص فى الطريق سأل مراته مين عندك غير حماتى واختك
قالتله ده بابا ( تقصد حماها ) واختك فلانة رد بصوت عالى جدا وقال وهى ايه اللى جابها ؟طبعا متخيلين انا شكلى بقى ازاى قدام مراته وحماته وبابا واخت مراته ( بقيت اقول يا ارض انشقى وابلعينى ) من شدة خجلى وحدة الموقف
مراته حبت تلطف الجو قالتله ده جزائها انها عايزة تسلم عليك قبل ما تروح شغلها والنبى صنف الرجالة كله مفترى و ضحكت علشان انا مازعلش
المهم تمالكت نفسى وسلمت عليه ورحت شغلى وقعدت فى مكان لوحدى واخدت راحتى فى العياط

طيب انا طلبت منه طلبين واحد كسفنى وما عبرنيش و التانى جابهولى مغشوش مع العلم كل طلب فى سفرية يعنى سنة ورا سنة مش فى نفس السفرية
بالله عليكم اطلب منه اى حاجة تانية ده ماما بتقولى اطلبى من اخوكى ههههههه حلفت يمين لو بموت وعلاجى اللى هيرجعلى حياتى من تانى فى ايد اخويا مش هاطلبه وهارحب بالموت ( طبعا ماما زعلت وقالت انى انا وحشة وضميرى وحش )
كمان بعد ما كسفنى مستحييييييييييييييل اروح اسلم عليه فى بيته ولا وهو نازل ولا وهو مسافر

دلوقتى يا جماعة هو خلاص هيسافر ماما بتقولى روحى سلمى على اخوكى وانا رافضة ومش هاروح

هو انا اجرمت لما قولت مش هاطلب منه حاجة تانى ابدا ولا اجرمت لما رفضت اروح شقته ؟

ماما زعلانة منى جدااااااااااا

طيب لو انتى مكانى واخوكى بالشكل ده هتتصرفى معاه ازاى ؟

ملوحظة انا مش هاممنى يجيب لمراته ايه بس انا زعلت لانه اخويا ورفض يجيبلى طلب طلبته منه وكمان مراته ملهاش دخل فى عمايله هو طبعه كده

لو تصرفى غلط قولولى او انصحونى وياريت تدعولى بزوج صالح لان الاخوات مش بيدوموا لبعض انتى مكانى اخوكى هتتصرفى معاه ازاى

المصدر: منتدى حور عين - من قسم: أريد حلا


g, hkjn l;hkn , ho,;n ;]i ijjwvtn luhi h.hn ?

رد مع اقتباس
  #2  
قديم 19-08-2016, 12:45 AM
الصورة الرمزية ملكة دنياك
ملكة دنياك ملكة دنياك غير متواجد حالياً
http://7or3en.com/up/do.php?imgf=147036890150111.gif
 
تاريخ التسجيل: Jul 2016
المشاركات: 612
معدل تقييم المستوى: 1
ملكة دنياك is on a distinguished road
وسام العضوه المؤسسهوسام المهارة
افتراضي

انا : ملكة دنياك


ربنا يصلح الحال يارب
رد مع اقتباس
  #3  
قديم 19-08-2016, 06:31 AM
الصورة الرمزية أمنية جميلة
أمنية جميلة أمنية جميلة غير متواجد حالياً
الحمدلله
http://7or3en.com/up/do.php?imgf=147036850049481.gif
 
تاريخ التسجيل: Jul 2016
المشاركات: 4,828
معدل تقييم المستوى: 5
أمنية جميلة will become famous soon enough
وسام العضوه المؤسسهوسام المشاركة المتميزةوسام النشاط الاداري المتميزوسام الحوريه اللهلوبهوسام دعم حور عينوسام دعم صفحة ومنتدى حور عين على  الفيس بوكوسام نحمةحور2016وسام النشاط الاجتماعىوسام نجمة حور عين
افتراضي

انا : أمنية جميلة


معلش يا حبيبتي اعملي اللي عليكي وخلاص وادعيله بالهداية
ربنا يصلح الحال ويرزقك بالزوج الصالح اللي يتقي ربنا فيكي يارب
__________________
نقرتين لعرض الصورة في صفحة مستقلة
نقرتين لعرض الصورة في صفحة مستقلة
من مواضيع أمنية جميلة

رد مع اقتباس
  #4  
قديم 21-08-2016, 12:51 PM
الصورة الرمزية مها الشناوى
مها الشناوى مها الشناوى غير متواجد حالياً
http://7or3en.com/up/do.php?imgf=1470368838421.gif
 
تاريخ التسجيل: Jul 2016
المشاركات: 6
معدل تقييم المستوى: 0
مها الشناوى is on a distinguished road
وسام العضوه المؤسسه
افتراضي

انا : مها الشناوى


ولا تزعلى ولا تنقهرى....مادام طبعه كدة ومش بيعرف حتى يجامل
يبقي كل واحد ياخد حقه...اطلبى منه فلوسك اللى ساعدتيه بيها ساعة الجواز ياحبيبتى ..انتى بنت...وأولى بيها
هو ظروفه اتحسنت دلوقتى والمفروض يردهم عشان دة دين عليه
بس اللى انا مش فاهماه لغاية دلوقتى ايه علاقة موضوع عمتك مامتك....بالموقف اللى بينك وبين اخوكى؟؟؟؟؟
رد مع اقتباس
  #5  
قديم 22-08-2016, 03:03 AM
قلبى ملك لربى قلبى ملك لربى غير متواجد حالياً
اللهُــــــــمّ انك حسبي
http://7or3en.com/up/do.php?imgf=148944993033981.gif
 
تاريخ التسجيل: Apr 2015
المشاركات: 6,983
معدل تقييم المستوى: 9
قلبى ملك لربى will become famous soon enough
وسام المشاركة المتميزةوسام دعم حور عينوسام العضوة المثاليةوسام العضوه المؤسسهوسام الحوريه اللهلوبهوسام النشاط الاداري المتميزوسام المشرفة المثاليةوسام النشاط والتميزوسام الالتزام بالقوانينوسام خبيرة حور عينوسام نجمة حور عينوسام النشاط والتميز فى اقسام الفوتوشوبوسام النشاط والتميز فى القسم الاسلامىوسام الفائزه بالمركز الثانىوسام الفائزة بالمركز الثالث في مسابقةوسام دعم صفحة ومنتدى حور عين على  الفيس بوكوسام ملكة حور عينوسام الفائزة بالمركز الاول بمسابقةوسام التفاعلوسام النشاط الاجتماعى
افتراضي

انا : قلبى ملك لربى


ربنا يصلح مابينكم حبيبتى
بس برضو مفهمتش علاقة عمتك بالموضوع ايه
رد مع اقتباس
  #6  
قديم 22-08-2016, 03:23 AM
نور القنديل نور القنديل غير متواجد حالياً
http://7or3en.com/up/do.php?imgf=147036898261891.gif
 
تاريخ التسجيل: Jul 2016
المشاركات: 7,220
معدل تقييم المستوى: 8
نور القنديل will become famous soon enough
وسام الحوريه اللهلوبهوسام نجمة حور عينوسام المشاركة المتميزةوسام نحمةحور2016وسام النشاط الاجتماعىالنشاط والتميز فى قسم الدردشةوسام النشاط والتميز فى ديكورات ومستلزمات منزلية
افتراضي

انا : نور القنديل


بصى انتى مشبكة مشكلتين فى بعض اولا عمتك الله يسهلها بس حل خصوصية مامتك فى ايدها هى يعنى لما تكون فى الاوضة بتاعتها تقفل على نفسها بمفتاح او تركب ترباس داخلى ويستحسن ان الباب يكون فيه مفتاح مامتك فى الاوضه او مش موجودة تبقى قافلة بالمفتاح وتعلقه انشالله فى رقبتها دايما دى حاجة ... اما اخوكى بما انه انانى بالشكل ده يبقى ماتطلبيش منه حاجة تانى ولا تروحى بيته بالعكس احرجيه فى وشه وقوليله كدا انت احرجتنى قدام نسايبك لو حصل كلام يعنى سابقا وعمرى ما ادخلهولك تانى ولو سمحت بما اننا اخوات وبنتحاسب زى المثل ما بيقول فى رقبتك دين من وقت جوازك ومعلش انا محتاجة فلوسى معلش بقى كل واحد اولى بحقه ومتتكسفيش طالما هو وحش كدا عمره ما هيكون حنين معاكى ومعلش بما اننا مجتمع ذكورى عمر اهلك ما هيغلطوه ولا يجو فى صفك عليه يبقى تاخدى حقك وتحطى حدود لانه ماشلش جميلك ولا سد دينك وكمان مستخسر فيكى حاجة غلب والله وفوضى امرك لله والى حنين معاكى اتعاملى معاه معاملة الاخوات الحلوة ماتعمليش الكل بميزان واحد .. ومع ذلك ربنا يهديكم لبعض ... زمن واااااااه يا زمن


رد مع اقتباس
  #7  
قديم 22-08-2016, 01:56 PM
الصورة الرمزية jodi3mad
jodi3mad jodi3mad غير متواجد حالياً
http://7or3en.com/up/do.php?imgf=147036789298951.gif
 
تاريخ التسجيل: Jul 2016
المشاركات: 586
معدل تقييم المستوى: 1
jodi3mad is on a distinguished road
افتراضي

انا : jodi3mad


ربنا يهديلك الحال ويرزقك الزوج الصالح يارب
__________________
اللهم انت ربي لا اله الا انت خلقتني وانا عبدك وانا علي عهدك ووعدك مااستطعت اعوذ بك من شر ماصنعت ابوء لك بنعمتك علي وابوء بذنبي فااغفر لي فاانه لا يغفر الذنوب الا انت
من مواضيع jodi3mad

رد مع اقتباس
  #8  
قديم 23-08-2016, 12:32 AM
الصورة الرمزية ♡Snow White♡
♡Snow White♡ ♡Snow White♡ غير متواجد حالياً
❤يارب احفظ ولادي وجوزي❤
http://7or3en.com/up/do.php?imgf=147036789298951.gif
 
تاريخ التسجيل: Jul 2016
المشاركات: 1,445
معدل تقييم المستوى: 2
♡Snow White♡ is on a distinguished road
وسام المهارةوسام الحوريه اللهلوبهوسام المشاركة المتميزةوسام التفاعلوسام النشاط الاداري المتميزوسام أوفياء المنتدى
افتراضي

انا : ♡Snow White♡


انتى مش غلط طبعا ومامتك برده يعز عليها بعد ماربت وكبرت وكانت بتقول دول سند بعض وسندى تلاقي العلاقة كده بين الاخوات مشكلة اخوكى ان ده طبع فيه يعنى مش حد مقويه فاللي عليكى انك تعملي الواجب وبس وقوليله انا من بعد ماانت قولت كده مكنتش هدخل بيتك تانى بس انت اخويا ومتهونش عليا ومقدرش تسافر او تيجى ومسلمش عليك يمكن يراجع نفسه بس لو اتكرر ده تانى خلاص لما يبقي يجلكم ابقي سلمى عليه وربنا يرزقك بزوج صالح يعوضك كل ده اما عمتك مامتك لازم تحط حدود وتعمل وقفة للي بيحصل ده
__________________
أستغفر الله العظيم من كل ذنب وأتوب اليه
اللهم أجعل لنا من كل هما فرجا ومن كل ضيقا مخرجا
اللهم صل وسلم وبارك علي سيدنا محمد
اللهم إني أستودعتك أبني وبنتي وجوزي فأحفظهم من كل شر يامن لاتضيع ودائعه وأنت خير الحافظين

من مواضيع ♡Snow White♡

رد مع اقتباس
  #9  
قديم 23-08-2016, 04:10 AM
الصورة الرمزية جنتي بقلبي
جنتي بقلبي جنتي بقلبي غير متواجد حالياً
http://7or3en.com/up/do.php?imgf=147036789298951.gif
 
تاريخ التسجيل: Jul 2016
العمر: 32
المشاركات: 1,046
معدل تقييم المستوى: 2
جنتي بقلبي is on a distinguished road
وسام المشاركة المتميزةوسام المهارةوسام الحوريه اللهلوبه
افتراضي

انا : جنتي بقلبي


هما الرجاله كلهم هم
اطلبي فلوسك منه
رد مع اقتباس
  #10  
قديم 24-08-2016, 04:28 PM
وردة ألماس وردة ألماس غير متواجد حالياً
http://7or3en.com/up/do.php?imgf=1470368838421.gif
 
تاريخ التسجيل: Jul 2016
المشاركات: 22
معدل تقييم المستوى: 0
وردة ألماس is on a distinguished road
افتراضي

انا : وردة ألماس


يعني الدرس الوحيد اللي استفاده اخوكي من وجود عمتك معاكم وحرص والدك انه يشيل عمتك ويتحملها العمر كله رغم صعوبة طبعها ..هو انه يبعد عن اخواته ويعاملهم بجفاء ويقطع اواصر المحبة بينهم وبينه ؟؟؟؟ ادعي ربنا يهديه .. واسمعي كلام مامتك واتحملي شوية لسببين علشان ترضيها وتريحي قلبها ومتزوديش عليها الهم .. ده اولا .. ثانيا بكرة تتجوزي وتبقي ام وعندك اولاد وهتتمني يبقوا سند بعض ودايما هتيجي على الطيب وتتطلبي منه يتحمل اخوه المخطئ لأن الام بيبقى كلها امل ان ربنا يهدي العاصي .
رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:59 AM



هذا الموقع يتسخدم منتجات Weblanca.com
Developed By Marco Mamdouh
User Alert System provided by Advanced User Tagging (Lite) - vBulletin Mods & Addons Copyright © 2017 DragonByte Technologies Ltd.
vBulletin Security provided by vBSecurity v1.1.4 Patch Level 3 (Pro) - vBulletin Mods & Addons Copyright © 2017 DragonByte Technologies Ltd.

mamnoa 4.0 by DAHOM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162