حوريات الكويت - منتدى حور عين
القران الكريم
  التسجيل   التعليمـــات   قائمة الأعضاء   التقويم   البحث   مشاركات اليوم   اجعل كافة الأقسام مقروءة

الإهداءات



حوريات مغتربات خاص بالحوريات المغتربات لتبادل الأخبار و الخبرات والفضفضة

إضافة رد
 
أدوات الموضوع انواع عرض الموضوع
مدونه  حوريات الكويت
كُتبَ بتاريخ: [ 24-07-2016 - 03:08 PM ]
رقم المشاركة : ( 1 )
الصورة الرمزية أم القمرة
 
أم القمرة
يارب احفظ بنتى وما ف رحمي
http://7or3en.com/up/do.php?imgf=147036789298951.gif
أم القمرة غير متواجد حالياً
 
قـائـمـة الأوسـمـة
رقم العضوية : 404
تاريخ التسجيل : Jul 2016
مكان الإقامة :
عدد المشاركات : 1,788
عدد النقاط : 34
قوة التقييم : أم القمرة is on a distinguished road


انا : أم القمرة


السلام عليكم ورحمة الله وبركاته
ان شاءالله هنحاول ف موضوعنا هنا يكون مرجع لكل حورية جميلة مقيمة فالكويت واى حورية عندها معلومة ياريت تضيفها ويكون دا ف ميزان حسانتها تستفاد منه اكبر قدر من الحوريات

الموضوع اجتهاد شخصي من اختى (حبيبي محمد) هي صاحبه الفكرة وهى اللى كانت بتجمع مشاركتنا وتحطها عشان الكل يستفاد لكن عشان ظروف حصلت ف منتدى سابق انا قلت حرام مجهودها يضيع وحبيت احطه تانى ونضيف جديد ان شاءالله .

بس انا ي بنات محتاجة منكم مشاركتكم عشان الموضوع يكون كامل ان شاءالله ومرجع لينا كلنا عشان مش هقدر اعمل دا لوحدى من غير مساعدتكم ان شاءالله

بسم الله نبدأ :
ا- الزيارة العائلية
الشروط
لازم يكون الراتب 250 دينار فى اذن العمل
مدتها 3 شهور
اجراءاتها بسيطة فى الكويت ورسوم بسيطة للغاية حوالى 3 دينار ومفيش اجراءات من مصر
المطلوب
صورة اذن العمل للزوج
البطاقة المدنية للزوج
صورة جواز الزوجة والابناء
عقد الزواج موثق من الخارجية
وبتطلع ع طول


2/ الاقامة
الاقامة تختلف طبعا عن الزيارة الزيارة محددة بفترة زمنية لكن دى جوزك بيعملك ورق عشان تكونى معاه ع طول
شروط الاقامة
الراتب فى اذن العمل لايقل عن 400 دينار
الاقامة ليها اجراءات فى الكويت ومصر واما توصلى الكويت
بتبعتى لجوزك صورة جوازك والابناء وشهادة الميلاد وبيبعتلك هو ورقة مكتوب عليها سمة دخول لازم تخليصها من مصر

طب الحمد الله وصلنا الكويت نعمل ايه
جوزك مش يجيبك غير لو معاه 500 دينار ع جمب او اضعف الايمان معاه فلوس اقامتك مش لسه هيحوشهم عشان لازم فى خلال شهرين من دخول الكويت تدقى الاقامة
خطوات دق الاقامة بعد وصول الزوجة والابناء ( تجربة شخصية )
انا جوزى كان جوازات العاصمة فالاجراءات واحدة والمصاريف لكن لو جوزك جوزات محافظة تانية فالاماكن بتختلف
1/ البصمات بتروحى على البصمات تبصمى الورق اللى جاية بيه من مصر ويصوركى هناك وياخدوا بصماتك وبصمة العين ( الخطوة دى من غير فلوس)
2/ الطوابع والكشف الطبى
انا رحت مكان اسمه الموانئ والحدود هناك بجيب طابع ب 10 دينار وبعمل الكشف الطبى ولو معاكى طفل لكل طفل طابع ب 10 دينار والطفل لازم يشوفوه عشان يشوفوا التطعيمات بعد ما خلصت الكشف بتروحى تعملى اشعة الصدر فى مستشفى الصدر ودا قريب للموانئ
نصيحة خدى معاكى عصير وشكولاته لانك هتفرهدى فى اليوم دا وطبعا تروحى بدرى
خلصتى الكشف هيقولك تقدرى تستلمى النتيجة بعد 10الى 15 يوم فى الوقت دا تعملى ايه
3/ التامين الصحى جوزك هيروح للتامينات ويعملك تامين صحى الزوجة 40 والطفل 30 دينار تقريبا وبياخد وصلات بيسلمها الجوازات وهو بياخد نتيجة الكشف
4/ يروح الجوازات ويدفع 100 دينار لكل فرد مصاريف استخراج اقامة اول مرة وطبعا معاة وصلات التامين الصحى وكده مبروك اقامتك ادقت فى الجواز
فى كل خطوة من دول ورقك اللى جاية بيه من مصر يبقى معاكى كامل واذن العمل او شهادة الراتب بتاعه
اول مشوار بس تروحىه لكن الباقى جوزك يقدر يخلص الاجراءات بنفسه
خلى معاكى وانتى جاية من مصر حوالى 6 صور بخلفيه زرقا هتحتاجيهم هنا
اما تروحى تدخلى ع النت وتفتحى موقع هيئة المعلومات المدنية وتدخلى الرقم الموحد هتلاقيه فى الورقة بتعة سمه الدخول تدخلى الموحد هيجيلك الرقم المدنى وجوزك اما بيروح التامينات بيسالوه الرقم المدنى كام







p,vdhj hg;,dj


توقيع : أم القمرة


مشتركة ف حملة الرد ف قسم حياتنا وحكايتنا
مشتركة ف حملة الرد ف قسم التدبير المنزلي
مشتركة ف حملة الرد ف قسم كولكشن
مشتركة ف حملة الرد ف قسم اليوتيوب

من مواضيع أم القمرة

رد مع اقتباس
كُتبَ بتاريخ : [ 24-07-2016 - 03:14 PM ]
 
 رقم المشاركة : ( 2 )
أم القمرة
يارب احفظ بنتى وما ف رحمي
http://7or3en.com/up/do.php?imgf=147036789298951.gif
قـائـمـة الأوسـمـة
رقم العضوية : 404
تاريخ التسجيل : Jul 2016
مكان الإقامة :
عدد المشاركات : 1,788
عدد النقاط : 34

أم القمرة غير متواجد حالياً



انا : أم القمرة


3.السكن


طبعا اكبر مشكلة فى الكويت هى السكن لان دا اغلى حاجة هنا يعنى لو واحد راتبه 400 دينار ممكن يبقى نص الراتب للسكن ان مكنش اكتر





اسس اختيار السكن

  1. التكييف لازم يكون السكن فيه تكييف مينفعش تيجى وتقولى هقضى فيه الشتا وف الصيف ربنا يسهلها هنا نار فى الصيف والمروحة متعملش حاجة
  2. ميبقاش ارضى الارضى بتحسى انك ساكنه فى الشارع وبتبقى عرضة اكتر للحشرات ربنا يعافينا
  3. قريب لمحطة الباص او فى موصلات دا بيفرق جدا لان التاكسيات هنا هم لوحدها
  4. قريب من الجمعية او البقالات لان فى اماكن مفهاش بقالات فبتبقى حاجة رخمة اوى
  5. الباركينج لو عنك سيارة عشان مش تتعبى هتركنيها فين
  6. متبقاش اوضة ومطبخ وحمام اقل حاجة اوضة وصالة ومطبخ وحمام لان دا بجد بياثر على نفسيتك لو حاسة نفس المكان اللى بتنام فيه هو اللى بتاكليه فيه

مفروض ان فى سكن دائم وسكن مؤقت..المؤقت ارخص بس دا يناسب اللى جايين زيارة مش اقامة
* السكن الدائم مفروض ميزدش الا بعد مرور 5 سنوات بس معرفش دا بيحصل فعلا ولا لا ولازم تدفعى قبل يوم 20 من الشهر
* التهوية طبعا مهمة لانى شفت اماكن مفهاش الا شباك واحد صغير
*حاولى يبقى السكن فى حدود تلت الراتب هى صعبة طبعا لان الكل بيعانى من الايجار
لو بتدورى على سكن تقدرى تشوفى فى الوسيط بتنزل اعلانات ع طول بس شوفى اللى يناسبك لان فى ناس بتاخر نظام غرف فى شقة ودا طبعا مش يناسبنا كمسلمين ( بتبقى شقة وليكن 3 غرف وبياجروا بالغرفة بس فى النهاية الشقة واحدة مش عارفة الفكرة وصلت ولا لا دا الفلبين والهنود يناسبهم اكتر)
السكن هنا اقل حاجة 100/120 ودا للمؤقت وحالته مش بتبقى حلوة
وف الدائم ف بنات ماجرة غرفة فقط ب 135 وطبعا ف اغلى

وانتو بتختارو السكن حاولوا اوى واتعبو شوية ودورو على عمارات الشركات والاوقاف-صدقونى هتفرق فى كذا حاجة


1- المساحات واسعة عن العمارات الاهالى
2-نضافة ونظام العمارة لان بيبقى عليها مشرفين ومراقبين على الحارس باستمرار
3-الايجار دايما اقل شوية من برة يعنى لو الاوضة وصالة 230 مثلا فى عمارات الاوقاف 200
4-ماشيين قانونى وبيزيد كل 5 سنين فعلا ومش قبل
5- بتبقى عائلات وبيشترطوا كدة
ده اللى افتكرته دلوقتى
طبعا بلس الصيانة

توقيع : أم القمرة


مشتركة ف حملة الرد ف قسم حياتنا وحكايتنا
مشتركة ف حملة الرد ف قسم التدبير المنزلي
مشتركة ف حملة الرد ف قسم كولكشن
مشتركة ف حملة الرد ف قسم اليوتيوب

من مواضيع أم القمرة


التعديل الأخير تم بواسطة أم القمرة ; 24-07-2016 الساعة 03:22 PM

رد مع اقتباس
كُتبَ بتاريخ : [ 24-07-2016 - 03:14 PM ]
 
 رقم المشاركة : ( 3 )
أم القمرة
يارب احفظ بنتى وما ف رحمي
http://7or3en.com/up/do.php?imgf=147036789298951.gif
قـائـمـة الأوسـمـة
رقم العضوية : 404
تاريخ التسجيل : Jul 2016
مكان الإقامة :
عدد المشاركات : 1,788
عدد النقاط : 34

أم القمرة غير متواجد حالياً



انا : أم القمرة


شوية نصايح عن الميزانية
الاول بشكر كل البنات ع نصايحهم ف الميزانية ودى تلخيص باهم النصايح
  1. الصدقة حتى لو بمبلغ قليل كل شهر لمصر لان الناس فى مصر محتاجة اكثر من هنا
  2. بلاش تزودوا اقساطكم الشهرية الحاجة الكاش افضل متتخدعوش بعروض التليفونات لان ممكن توصل الفاتورة ل 50 دينار وانتم مش حاسيين
  3. نظام ثلث للايجار وثلث للمصاريف متضمن مصاريف المدارس وثلث يتحول مصر فى نهاية الشهر لو محصلش حاجة لاقدر الله نظام انا شيفاه مثالى عشان لا فيه افراط ولا تفريط
  4. كل اول شهر فى اساسيات بتيجى مرة واحدة ودى بتبقى عروض تكفى الشهر كله وفى حاجات بجيبها تلات مرات لانى بحاول اكفى نفسي بيها عشر ايام وساعات توصل اسبوعين (الزيت والمعطر والسكر والبقول والخضار المجمد والمناديل والتوابل ومنظفات والمسحوق والفول والمعلبات عموما ) هاتى العروض اللى تعجبك منها اول الشهر مرة واحدة
    كل اسبوع او عشر ايام حسب ظروفك تجيبى حاجات بسيطة (خضار السلطة جبن زيتون زبادى دقيق وكدة)
    اشترى حليب التموين ورز التموين واعملي منه كل حاجة وبيفيد وجوده فالبيت جدا
    اعملي لولادى معجنات لسندويتشات المدرسة واديهم كل حاجة من البيت عشان النضافة واطمنى عليهم
    جيبي كرتونة الحليب والعصير تكفى كتير
    خرجيهم كل اسبوع طبعا بس خدى معاكى ترمس الشاى والفشار معجنات ساندويتشات فاكهة المهم كله من البيت
    اعتمدى على اعادة الاستخدام لو اتبقى اى اكل شيليه فالفريزر وادخلى على فتكات هتلاقى كل المعلومات
  5. اعملى حساب الاقامات والمدارس وتجديد السيارة كل شهر حوشى مبلغ
  6. اسعدى نفسك واولادك فى الغربة كفاية عليهم حبسة


  7. البامبرز فى جمعية الدفاع صالة العروض بيكون اسعارة كويسة جدا
    وفى كذا نوع
    وفى سلطان مركز الجملة احسن مكان بيعمل عروض على البامبرز تابعى العروض دايما
  8. تابعى العروض على تطبيق يابلاش ياكويت على البلاى ستور واعملى اشتراك بالايميل على موقع كارفور الكويت هتجيلك العروض ع الايميل دايما

  9. بالنسبه للخضار
    الشبره في الصليبيه
    هاتي اللي يمفيكي ظ،ظ¥يوم بحيث انك تروحي مرتين في الشهر
    الطماطم افرزيها وخلي الخضرا شويه تحت والحمرا فوق عشان مش تتضرب
    الخيار حطيه بكرتونته عشان ميضربش
    هو اصلا اول حاجه بتضرب
    وافرشي ورقتين جريده في درج الخضار عشان تمتص الرطوبه
    بالنسبه للورقيات لفيها كويس بالبلاستيك الاسترتش هتفضل اسبوعين كويسه
    قبل ما تطلعي خضار للطبيخ او السلطه افرزي وطلعي اللي استوي بدل مايضرب
    الفاكهه لو حسيتي انها دبلت اعمليها سلطه فاكهه بدل ما ترميها
    الموز لو لقيته استوي شيليله بقشره في الفريزر واعملي بيه الموز باللبن وخلي الطازة للاكل
    وكذلك الفراوله والمانجا وفاكهة العصير كلها

توقيع : أم القمرة


مشتركة ف حملة الرد ف قسم حياتنا وحكايتنا
مشتركة ف حملة الرد ف قسم التدبير المنزلي
مشتركة ف حملة الرد ف قسم كولكشن
مشتركة ف حملة الرد ف قسم اليوتيوب

من مواضيع أم القمرة

رد مع اقتباس
كُتبَ بتاريخ : [ 24-07-2016 - 03:17 PM ]
 
 رقم المشاركة : ( 4 )
أم القمرة
يارب احفظ بنتى وما ف رحمي
http://7or3en.com/up/do.php?imgf=147036789298951.gif
قـائـمـة الأوسـمـة
رقم العضوية : 404
تاريخ التسجيل : Jul 2016
مكان الإقامة :
عدد المشاركات : 1,788
عدد النقاط : 34

أم القمرة غير متواجد حالياً



انا : أم القمرة


الطب فى الكويت
طبعا الموضوع دا مهم جدا لاننا هنا منعرفش الدكاترة هنا فدا هيكون مرجع للكل
مبدئيا كده الطب فى الكويت الاجهزة والمعدات حديثة عن مصر بس دكاترة مصر اشطر دى راى
فى هنا طب حكومى بيتمثل فى المستوصفات والمستشفيات الحكومية
وطب خاص فى المراكز الطبيبة والعياات الخاصة
طبعا الحكومى شبه مجانى
* تجربة المستوصف
متابعة الحمل فى المستوصف
المطلوب
البطاقة المدنية ليكى + البطاقة المدنية للزوج + قسيمة الزواج + تحليل الحمل
بتفتحى ملف اول ماتخلصى 3 شهور
الميزة كل مرة هتروحى هيقسوا الضغط والوزن ويعملولك تحاليل وهتاخدى العلاج كل ده مجانى
العيب ممكن كل مرة تبقى دكتورة شكل بس لو رحتى بدرى ممكن تختارى الدكاترة اللى برتاحى ليها
فى ايام بتكون للحوامل وايام كشف نساء وايام للكوايته
ممكن تروحى يوم النساء وتاخدى طابع بدينار وتدخلى للدكتورة عادى
السونار ب 10 دينار ودا ممكن تعمليه بره
** السونار**
طبعا دى مراكز طبيبة وممكن تتابعى معاهم حملك مش السونار بس لكن الكشف ليه ثمن والسونار ليه ثمن
متنسيش تجيبى المدنية بتاعتك معاكى وانت راحة تعملى السونار
1/ مركز ياكو ابو السالمية
العنوان تقاطع شارع عمان والمغيرة السالمية
التليفون 22275900
تقدرى تكلميهم عن التليفون وهتقولك سعر السونار حسب الشهر اللى انتى فيه
انا كنت فى الرابع عملته ب 11 دينار
الموقع الالكترونى
http://www.yiacoapollo.com

2/ مركز شفاء الجزيرة الفروانية
العنوان مقابل مخفر الفروانية بجوار مجمع مغاتير
التليفون 24734000
السونار ب 13 دينار
الموقع الالكترونى
http://www.shifaaljazeera.com.kw
طبعا ليه فروع تانية فى الفحاحيل وجليب الشيوخ بس انا بكتب اللى العضوات اللى معانا جربوه

3/ مركز الشعب التخصصى
العنوان الشعب البحرى قطعة 8 شارع الاستقلال
التليفون 22629091
22629092
فى دكتور نساء هناك اسمه هانى العقدة
الموقع الالكترونى
http://www.shaabmc.com/ar/

4/ مستشفى الهادى
العنوان الجابرية طريق الفحاحيل السريع
التليفون 1828282
اللى بيميز المستشفى دى ان فيها دكاترة مصريين شطار
الموقع الالكترونى
http://www.hadiclinic.com/

5/ مستوصف الصالح كلينك
العنوان خيطان شارع النادى قطعة 11 قسيمة 4
التليفون 24714176


6/ المركز الطبى البريطانى
العنوان المنقف -طريق الاحمدى السريع قطعة 4 مقابل نادى الفحيحيل البحرى
التليفون 23713100

***** دكاترة النساء والتوليد*****
1/ سلوى الرفاعى
بجوار مركز الربيعة -الفروانيةتليفون 24753232
سعر الكشف 17 السونار 15


2/جميلة ويسرا عبد السلام
العربيد بلازا الفروانية
رقم التليفون 24716754 24733651سعر الكشف 10السونار 10

3/ مى كامل
الجابرية قطعة 1 شارع 104 عمارات شاكر
رقم التليفون 25325051

4/اميرة بهبانى
العنوان قطاع أ، شارع الأردن الرئيسي، شارع ظ،ظ¢ظ¥، متفرع منه شارع ظ©ظ،، عمارة ظ،ظ¦ظ¤، الدور الأول، بجانب مدرسة أم هاني الأهلية
رقم التليفون 24734505/ 24734476 سعر السونار مع فتح الملف 15


ملحووووووووظة : الأسعار قابلة للتغيير ع حسب الدكتور


هنتكلم عن مستوصف السالمية قسم ( النسا والحوامل ) :

السالمية ي بنات فيها 2 مستوصف انتى ع حسب قطعتك اللى ساكنة فيه ولكن بنسبة لموضوعنا انهاردا الحوامل والنسا فاهيكونو كل سكان السالمية ف مستوصف واحد اللى هو عالبحر جمب مركز سلطان
هما مقسمين الأيام ( أيام حوامل / أيام نسا)

أيام النسا (السبت - الاتنين - الأربع ) من اساعه 7 الى بمزاجهم " يعنى هي بتاخد العدد اللى قدامها وتقفل بعدو الشباك وتقولك مش هاخد ارقام تانى فا لازم لازم لازم تروحى بدرررررررى يعنى توصلي هناك 6 وشوى عشان تاخدى رقم "
ف يوم للموظفات ودا بيكون من5 الى بمزاجهم برضو ( يوم الاتنين) ودا لازم تبرزى فيه بطاقتك للتأكد انك موظفة

أيام الحوامل ( الاحد - الثلاثاء - الخميس ) نفس المواعيد اللى ذكرتها فوق
يوم الموظفات ( الثلاثاء) من اساعه 5

أسماء الدكاترة
( امانى - نيللى - محمد - متولى - منى - داليا)

رقم 1 بصراحة وانصحكم بيها دكتور داليا ( مصرية) .. ماشاءالله ممتازة شوى عليها .. وكمان صغيرة فالسن وبتتكلم وتهزر كأنها واحدة صاحبتك وبتجبلك من الاخر هتولدى طبيعي ولا قيصري وبتهتم بالتحاليل كويس
تجربة صغيرة لبنت خالتى نصحتها تروحلها وفعلا تباعت معها وبنت خالتى رفيعةةةةةةةةةة جدا وكنا بننصحها تاكل كووووويس والدكتور اكتشفت انها عندها كروسترول وعملت ليها دايت وهى حامل وكنا مستغربين ازاى دى رفيعه جدااااااا وفعلا مشيت ع تعليماتها وولدت بسلامة
واكتشفنا فعلا انها عندها كروسترول


دكتور منى ( مصرية)
دكتورة هاديه وكويسة وترتاحى معها

دكتور نيلي ( مصرية)
لا انصح بيهاااا لانها اى وجع بسيط مش مستاهل تحولك عالصباح ووانتو عارفين مشاورها رخم ازاى

دكتور محمد
(سورى او اردنى مش فاكرة) كبير فالسن وهادى بس عيبه ان عادى الباب مفتوح وانتى نايمة عالسرير واى حد يدخل عليكى

دكتور متولى (مصري)
دكتور شاطر ماشاءالله وفاهم شغله ومش بيحب ابدا يدخل مريض ع مريض والسيستر بتاعته بتقفل الباب من جوا

انا مش قصدى ازم دكتور استغفر الله العظيم انا بس بذكر تجربتى اصل انا جربتهم كلهم هههههههه متفتكروش انى حملت كتير دا هي مرة واحده لسه بقول ي هادى ههههههههه بس انا دخلت عليهم كلهممممم عشان فالاول مكنتش فاهمه حاجة

المهم نيجى للنصايح المهمه:
1- لازم تروحى بدرى جدا عشان الزحمة واما بتروحى بدرى بتختارى الدكتور اللى انتى عايزاه
متأخر هتلاقي البنت بتحطك للدكتور الفاضي لان كل دكتور لياه عدد معين
انا كنت بروح من النجمة واقعد أقول ي ليل ي عين عشان اختار داليا

2- البطاقة المدنية والملف بتاعك اووووووووووعى تنسيهم من غيرهم يبقا تروحى احسن

3- (((للحوامل))))كل مرة ادخلى اوزنى نفسك واعملى تحليل بول وارجوكى متكسليش عشان ي حببتى الوزن مهم عشان حجم البيبي الدكتور تعرف تقولك انتى ماشية كويس ولا ايه وكمان تحليل البول (اعزكم الله) عشان نسبة السكر
خدى معاكى كلينكس كتييييير لان المستوصف حمامته لا فيها صابون ولا فيها كلينكس وهتلاقي كل اللى واقفين بيسألوكى لو سمحتى معاكى كلينكس هههههه يلا خدى ثواب بقا كمان ووزعى

4- الدكتور لو طلبت منك تحليل معين هتعملى ايه ؟
هتديكى ورقه مكتوب فيها اسم التحليل المطلوب .. التحليل دا كمان بيبتدى من 7 : الى الله اعلم
هتخدى الورقه تروحى ع المعمل وغالبا هيقولولك تعالى بكرة هتروحى بدرررررى عشان الدور .. وتكونى صايمة .. تعمليه وتمشي ومتجيش تستلميه
هما هيودوه للدكتور انتى ملكيش دعوة
يوم ماتروحى تكشفي هتلاقي تحليلك عند الدكتور جاهز هتقرأو وتقولك بقا

5- الكراسي هناك سيئة جدا ف الانتظار معرفش ازاى عملنها كدا وف حوامل بيقعدو عليها قومى بقا اتمشي شوى عشان ضهرك لو انتى حامل

6- لازم بالك يكون طويييل وخصوصا مع البنات اللى بيخدو الاسامى واما تروحى ان شاءالله هتكتشفي لوحدك دى انا سايبهالك مفجأة ههههههههه
ولو حاطة سامعات موبيل بتسمعى حاجة شيليها من ودانك عشان اما يندهو ع اسمك تسمعى

7- لو عايزة تاكلى او تشربي محنا مطولين بقا ]روحى مركز سلطان قررريب وف كمان محل عصير فريش جمب المستوصف من ناحيه البحر
هيكون مركز سلطان ع شمالك والعصير ع يمينك

8- الطابع بدينار .. خديه وحطيه ف شنطتك عقبال ما ينادو اسمك

9- الأوراق المطلوبة لكشف النسا .. البطاقه المدنية .

10- الأوراق المطلوبة لكشف الحوامل :
صور عن البطاقه المدنية للزوج والزوجة
صورة عن قسيمة الزواج
تحليل حمل يثبت انك حامل بتاريخ قريب
يارب مكنش ناسيه حاجة تانى بس اعتقد دا بس

11- الصيدلية:
عشان تاخدى علاجك بقا هتروحى عند الشباك هتلاقي حاطين زى ماكينة كدا صغيرة دوسي عليها هيطلعلك ورقه عليها رقم اقعدى بقا استنى دووووووور عشان تاخدى علاجك
ف ادوية ممكن تقولك مش موجودة اشتريها من برا زى الكالسيوم للحوامل فالاغلب بيقولك اشترى انتى
جمب الصيدلية في تلفون ارضي .. لو مش معاكى كرديت تكلمى جوزك وتقوليلو انك خلصتى

12- برا المستوصف عالباب هتلاقي تاكسيات كتير وقفه بس بيزودو ع الأجرة نص دينار او دينار ع حسب السواق عشان بيقولك انا واقف عالباب
فا انتى ممكن تتمشي عند مركز سلطان من ناحيه باب الدخول بتاعو هتلاقي تاكسيات كتيرررة ماشية
اوعى تمشي عالبحر وتقولى هاخد تاكسي مش هتلاقي حاجة تقفلك

13- (((الحواامل))) بنسبة ليكم حبايب قلبي وعقبال كل مشتاقة فالمستوصف هيستقبلوكى وانتى فالشهر التالت قبل كدا للأسف مش بيخدو معرفش ايه السر ف كدا بس انا سبحان الله مخدوش بالهم وخدونى وانا كنت فالشهر الأول ]
بس انتى روحى وان شاءالله خير لان لازم اول تلات شهور تاخدى برشام اسمه (فوليك اسد) تقريبا بيتكتب كدا

وف كل مرة تكشفي هتديكى معاد زيارة للشهر اللى بعدو وهكذااا من اول الشهر التامن هتقولك تعالى كل أسبوعين تدخلى التاسع هتقولك تعالى كل أسبوع
ف مستوصف السالمية بيحولوكى للصباح(ولادة) من اول متدخلى التاسع كدا بأسبوع
انا عن نفسي كلمت دكتورتى وقولتلها خلينى معاااكى لنهايه التاسع عشان الصباح بعيدة عليااا وفعلا ربنا يكرمها قعدتنى معها
وف الوقت المناسب قالتلى خلاص متجيش تانى هنا ولازم تروحى عالولادة


بنسبة للى ناوية تولد هنا ان شاءالله وتكون موظفه اجازاتها بتكون كالتالى :

الخطوة الأولى
ان شاءالله ف قانون هنا فالبلد بيخليكى اما تولدى بتخدى شهادة مرضيه من المستشفى اللى ولدتى فيها لمدة (شهر) سواء والدة قيصري او طبيعي الاتنين واحد
انتى ان شاءالله بعد الولادة
اطلعى اتمشي برا هتلاقي السيستر والاستعلامات قاعدين قوللها انا بشتغل ومحتاجة شهادة مرضيه هتقولك المطلوب هيكون البطاقه المدنية بتاعتك وكدا
هتعملك الشهادة وجوزك هيختمها اما يجى زيارة ليكى من إدارة المستشفى

الخطوة التانيه بقا مختلفه باختلاف المكان اللى انتى شاغله فيه
انا مثلا الشغل عندى بيدينى 15يوم بس ! مع الأسف
فاباخد الشهر المرضي مع ال15 يوم وخلصنا ع كدا ... ف ناس تانيه عندها شهر او اتنين ع حسب بقا انتى وشغلك

ملحوظة مهمه
اوعى تكونى شغاله واقامتك ع زوجك وتروحى تقوللها ادينى مرضيه عشان ميحصلكيش مشكله اكيد فاهمنى

توقيع : أم القمرة


مشتركة ف حملة الرد ف قسم حياتنا وحكايتنا
مشتركة ف حملة الرد ف قسم التدبير المنزلي
مشتركة ف حملة الرد ف قسم كولكشن
مشتركة ف حملة الرد ف قسم اليوتيوب

من مواضيع أم القمرة


التعديل الأخير تم بواسطة أم القمرة ; 24-07-2016 الساعة 03:21 PM

رد مع اقتباس
كُتبَ بتاريخ : [ 24-07-2016 - 03:18 PM ]
 
 رقم المشاركة : ( 5 )
أم القمرة
يارب احفظ بنتى وما ف رحمي
http://7or3en.com/up/do.php?imgf=147036789298951.gif
قـائـمـة الأوسـمـة
رقم العضوية : 404
تاريخ التسجيل : Jul 2016
مكان الإقامة :
عدد المشاركات : 1,788
عدد النقاط : 34

أم القمرة غير متواجد حالياً



انا : أم القمرة


دى نصيحتى لكل اللى عندهم بيبى او داخلين على ولادة
انا من اول التاسع بستعد لان ممكن اولد فنصه او اوله او اخره-فدايما بكون مجهزة نفسى من نضافة شخصية كاملة واستعد بكل التفاصيل
وكل يوم بخلص حاجة فى الشقة واشتغل بضمير
وكل يوم مااعمل غدا ازود شوية واشيل منه طبق فى الديب فريزر
واسلق فراخ واشيلهم كل اكله منفصلة ومكتوب عليها تفااصيلها
واجهز الصلصة
واتبل بانيه وبفتيك واجهزه باسمه وتاريخه فالديب
وحتى الحلويات اللى ينفع يتخزن بزود واخزنه
انا عاوزة اقولكم بجد وماشاء الله كل اللى ييجى يباركلى عالولادة يفتكر ان ممكن يساعدنى واو يلاقى عندى شغل فالمطبخ
يتفاجؤا ان الحمد لله كله تحت السيطرة
بالطريقة دى هتبقى الولادة منظمة ومحدش يدخل مطبخك ولا تشيلى جمايل والله يابنات مش عشان مش عايزة اعمل لحد بس انا طبيعتى كدة مش بحب حد يدخل مطبخى وبيتى يقلب مش عارفة ليه وبحس ان من حق كل واحدة تحس نفس الاحساس
المهم
انك لو عملتى كدة هتحسي ان مفيش ضغط ولغبطة فحياتك وكفاية عياط البيبى والم الجرح والخياطة



توقيع : أم القمرة


مشتركة ف حملة الرد ف قسم حياتنا وحكايتنا
مشتركة ف حملة الرد ف قسم التدبير المنزلي
مشتركة ف حملة الرد ف قسم كولكشن
مشتركة ف حملة الرد ف قسم اليوتيوب

من مواضيع أم القمرة

رد مع اقتباس
كُتبَ بتاريخ : [ 24-07-2016 - 03:31 PM ]
 
 رقم المشاركة : ( 6 )
الهمة العالية 90
http://7or3en.com/up/do.php?imgf=147036890150111.gif
رقم العضوية : 389
تاريخ التسجيل : Jul 2016
مكان الإقامة :
عدد المشاركات : 688
عدد النقاط : 20

الهمة العالية 90 غير متواجد حالياً



انا : الهمة العالية 90


مجهود اكتر من رائع ربنا يباركلك .. بس في قوانين جديدة بخصوص اذن العمل عشان الالتحاق بعائل للزوجة وكمان ف الزيارة هحاول اجيب الحاجات دي واكتبها

توقيع : الهمة العالية 90


من مواضيع الهمة العالية 90

رد مع اقتباس
كُتبَ بتاريخ : [ 24-07-2016 - 03:36 PM ]
 
 رقم المشاركة : ( 7 )
أم القمرة
يارب احفظ بنتى وما ف رحمي
http://7or3en.com/up/do.php?imgf=147036789298951.gif
قـائـمـة الأوسـمـة
رقم العضوية : 404
تاريخ التسجيل : Jul 2016
مكان الإقامة :
عدد المشاركات : 1,788
عدد النقاط : 34

أم القمرة غير متواجد حالياً



انا : أم القمرة


اقتباس:
المشاركة الأصلية كتبت بواسطة الهمة العالية 90 مشاهدة المشاركة
مجهود اكتر من رائع ربنا يباركلك .. بس في قوانين جديدة بخصوص اذن العمل عشان الالتحاق بعائل للزوجة وكمان ف الزيارة هحاول اجيب الحاجات دي واكتبها
ياريت ي حببتى يبقا جزاكى الله خير
نورتى ي قمر الموضوع

توقيع : أم القمرة


مشتركة ف حملة الرد ف قسم حياتنا وحكايتنا
مشتركة ف حملة الرد ف قسم التدبير المنزلي
مشتركة ف حملة الرد ف قسم كولكشن
مشتركة ف حملة الرد ف قسم اليوتيوب

من مواضيع أم القمرة

رد مع اقتباس
كُتبَ بتاريخ : [ 24-07-2016 - 03:39 PM ]
 
 رقم المشاركة : ( 8 )
الهمة العالية 90
http://7or3en.com/up/do.php?imgf=147036890150111.gif
رقم العضوية : 389
تاريخ التسجيل : Jul 2016
مكان الإقامة :
عدد المشاركات : 688
عدد النقاط : 20

الهمة العالية 90 غير متواجد حالياً



انا : الهمة العالية 90


و جزاك حبيبتي

توقيع : الهمة العالية 90


من مواضيع الهمة العالية 90

رد مع اقتباس
كُتبَ بتاريخ : [ 24-07-2016 - 03:46 PM ]
 
 رقم المشاركة : ( 9 )
الهمة العالية 90
http://7or3en.com/up/do.php?imgf=147036890150111.gif
رقم العضوية : 389
تاريخ التسجيل : Jul 2016
مكان الإقامة :
عدد المشاركات : 688
عدد النقاط : 20

الهمة العالية 90 غير متواجد حالياً



انا : الهمة العالية 90


أعلنت وزارة الداخلية بدء تطبيق قرار ربط مدة إقامة الوافد بصلاحية جواز سفره اعتبارا من بداية السنة المقبلة.

وأفاد مدير عام الإدارة العامة لشؤون الإقامة اللواء طلال معرفي بأن الادارة ستطبق القرار الجديد انفاذا للمادة 12 من قانون إقامـة الأجانب رقم 17 /1959 والمادة 15 من اللائحـة التنفيـذية لقانون إقامة الأجانب 640 /1987، مشيرا إلى أن الإدارة العامة لشؤون الإقامة خاطبت وكيل وزارة الخارجية والادارة العامة لنظم المعلومات والإدارة العامة للعلاقات والإعلام الأمني، لتفعيل هذا القرار وتطبيقه بشكل فعلي.

وأوضح ان النظام الجديد «يقضي بضرورة وجود فترة زمنية كافية في جواز السفر بحيث لا تتجاوز مدة الاقامة الممنوحة لهذه الفترة، فاذا انتهت مدة صلاحية جواز السفر فإن الاقامة تعتبر منتهية وفقاً للقانون ولا يجوز وضع إقامة جديدة الا بعد تجديد صلاحية جواز السفر».

وقال معرفي «لوحظ قيام بعض المقيمين بالبلاد انتهت مدة صلاحية جوازات سفرهم وحصلوا على جوازات سفر جديدة او قاموا بتمديد صلاحية نفس الجوازات ولم يتقدموا لإدارة شؤون الإقامة المختصة بتسجيل بيانات جوازات سفرهم ونقل معلومات الإقامة من جوازات سفرهم القديمة الى الجوازات الجديدة الأمر الذي من شأنه تعريضهم لدفع الغرامات المترتبة على ذلك لمخالفتهم أحكام قانون إقامة الأجانب بالاضافة إلى منعه من السفر وذلك لعدم تحديث جواز السفر في نظام الحاسب لوزارة الداخلية».

وطالب معرفي من المقيمين ضرورة متابعة مدة صلاحية جوازات سفرهم والعمل على تجديدها قبل وقت كاف من تاريخ انتهاء مدة صلاحيتها ثم التوجه مباشرة لإدارة شؤون الإقامة المختصة للعمل على تسجيل بيانات تجديد جوازات سفرهم وكذلك نقل معلومات الإقامة من جوازات سفرهم القديمة الى الجديدة

توقيع : الهمة العالية 90


من مواضيع الهمة العالية 90

رد مع اقتباس
كُتبَ بتاريخ : [ 24-07-2016 - 03:48 PM ]
 
 رقم المشاركة : ( 10 )
الهمة العالية 90
http://7or3en.com/up/do.php?imgf=147036890150111.gif
رقم العضوية : 389
تاريخ التسجيل : Jul 2016
مكان الإقامة :
عدد المشاركات : 688
عدد النقاط : 20

الهمة العالية 90 غير متواجد حالياً



انا : الهمة العالية 90


وكشفت المصادر عن جدول الزيادات المقررة لرسوم الاقامات كالتالي: رسوم التحاق بعائل للام 300 دينار ورسوم التحاق بعائل للاب 300 دينار أيضاً ورسوم التحاق بعائل للزوجة 200 دينار وللاطفال 150 ديناراً.

وفي ما يخص الزيارات، فقد زاد الرسم من دينارين الى 30 ديناراً عن كل شهر، على ان تجدد لمدة 3 أشهر كحد اقصى.

وتضمنت الجداول زيادة رسوم الاقامة في القطاع الحكومي الى 20 ديناراً عن السنة الواحدة والقطاع الخاص 20 ديناراً ورسم الاقامة الموقتة 20 ديناراً بزيادة قدرها 100 في المئة عما كان معمولاً به سابقاً.

وعلى صعيد زيادة قيمة المخالفات المرورية فيتضمن المقترح التالي: 100 دينار لتجاوز الاشارة الحمراء و40 ديناراً لمخالفة السرعة الزائدة عن الحد المسموح به بمعدل 20 كيلومتراً، و 60 ديناراً اذا زادت السرعة 30 كيلومتراً عن الحد المسوح به و80 ديناراً اذا زادت عن 40 كيلومتراً و100 دينار اذا زادت عن 50 كيلومتراً فوق الحد المقرر للسرعة، بزياده قدرها 100 في المئة عما كان معمولاً به سابقاً.

وتضاعفت قيمة المخالفات التي تصل الى 30 ديناراً لتصبح 60 ديناراً، وكذلك المخالفات التي تتراوح حالياً بين 10 دنانير و15 ديناراً لتصبح 20 و30 ديناراً، أي بمقدار الضعف.

توقيع : الهمة العالية 90


من مواضيع الهمة العالية 90

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:26 PM