القران الكريم
Loading...
المواضيع المميزة
المواضيع الجديدة
المنتدى الاسلامى العام

الإهداءات

العودة   منتدى حور عين > أقسام العناية الشخصية > ميكب وتسريحات
ميكب وتسريحات الجديد و المفيد في مجال الماكياج و تسريحات الشعر

إضافة رد
 
أدوات الموضوع انواع عرض الموضوع
  #1  
قديم 13-07-2018, 06:39 AM
الصورة الرمزية Super Girl
Super Girl Super Girl غير متواجد حالياً
مديرة المنتدى
http://7or3en.com/up/do.php?imgf=147215092093181.gif
 
تاريخ التسجيل: Jul 2016
المشاركات: 21,285
معدل تقييم المستوى: 10
Super Girl will become famous soon enough
وسام العضوة الفضيةوسام رمضانيات حوروسام تعليم حور عينوسام وردة حور عينوسام جوهرة حور عينوسام محررة أخبار حور عينوسام الذوق الرفيعوسام السوبر ستاروسام الفائزة بالكأس البرونزىوسام العضوة المتميزةوسام اسلاميات حور عينوسام نجمة حور 2017وسام الادارية النشيطةوسام لؤلؤة حور عينوسام مصممات حورعينوسام الإبداعوسام اليكسا تول باروسام النشاط والتميزوسام النشاط والتميز فى اقسام المنوعات و الترفيهوسام ملكة الاناقةوسام سندريلا حور عينوسام النشاط والتميز فى قسم الثقافة و المعلوماتوسام الفائزة بالكأس الفضىوسام العضوة الذهبيةوسام أوفياء المنتدىوسام المهارةوسام التفاعلوسام أميرة حور عينوسام النشاط الاجتماعىوسام نجمة حور 2016وسام النشاط والتميز فى اقسام الفوتوشوب و الجرافيكسوسام الحورية المتألقةوسام المشرفة المثاليةوسام المشاركة المتميزةوسام النشاط الاداري المتميزوسام العضوة المثاليةوسام الفائزة بالكأس الذهبىوسام الحورية اللهلوبةوسام العضوة المؤسسة
مكياج اعرفي ازاي تختاري البرايمر المناسب لنوع بشرتك

انا : Super Girl


اعرفي ازاي تختاري البرايمر المناسب لنوع بشرتك


صباح الفل يا قمرات
النهاردة أنا جايبة لكم معلومات عن ازاي تختاري البرايمر المناسب لنوع بشرتك
أتمنى الموضوع يعجبكم و ياريت متنسوش التقييم يا قمرات



اعرفي ازاي تختاري البرايمر المناسب لنوع بشرتك

البرايمر من الخطوات اللي بتساعد على تثبيت المكياج وبتخلي شكل البشرة احسن لكن في الغالب كتير من البنات مش بتعرف تختار البرايمر المناسب لنوع بشرتها لان كل بشرة اكيد ليها احتياجات مختلفة, وبرغم انه ممكن يكون في اوقات كتير بنتجاهل البرايمر ومش بنحطه خصوصا في مكياج الصبح او المكياج اليومي لكن هو خطوة مهمة جدا وهتحسوا بفرق في المكياج لما تستخدموه, والنهاردة من خلال موضوعنا هنتعرف بالتفصيل على البرايمر وفوايدة وايه البرايمر المناسب لنوع بشرتك.



اعرفي ازاي تختاري البرايمر المناسب لنوع بشرتك

– ايه هو البرايمر ؟

للي مش عارفين بالظبط ايه هو البرايمر او ايه هي وظيفته واهميته للبشرة, هو عبارة عن كريم شفاف من غير لون, بيساعدك انك تحطي المكياج على البشرة بشكل اسهل, بيثبت المكياج لفترة اطول, تقليل حجم مسام البشرة وبيحسن شكل البشرة بشكل عام.

البرايمر ليه وظيفة تانية مهمة جدا كتير مننا بيعاني من تغيير لون كريم الاساس بعد ما بيتحط على البشرة بيتأكسد ولونه بيغمق لكن البرايمر هيمنع المشكلة دي لانه هيعمل حاجز بين كريم الاساس والبشرة وهيمنعه انه يتأكسد.
كمان بعض انواع البرايمر تعتبر مصحح للون البشرة, بيداري العيوب, بيرطب البشرة, بيوفر حماية من الشمس, بيكافح الشيخوخة وحب الشباب.




ازاي تختاري البرايمر المناسب لنوع بشرتك:

عشان البرايمر يديكي النتيجة المطلوبة لازم تختاري البرايمر المناسب لنوع بشرتك.

1- البرايمر المناسب للبشرة العادية:

لو بشرتك عادية ده معناه ان مسام البشرة عندك حجمها عادي يعني مش كبيرة ولا صغيرة يعني مش بتفرز دهون زيادة ولا جافة, وفي الحالة دي انتي مش محتاجة نوع برايمر من اللي بيطفي لمعة البشرة هتكوني محتاجة بس البرايمر اللي يخلي المكياج بتاعك يدوم فترة طويلة مع عامل حماية من الشمس, والبشرة العادية غالبا مش بتعاني من مشاكل البشرة زي الاحمرار او الحبوب او اي عيوب تانية في البشرة عشان كده البرايمر ممكن يكون بديل لكريم الاساس بشرتك مش هتبقى محتاجة اكتر منه عشان ينوره ويطلع شكله حلو.
افضل انواع البرايمر للبشرة العادية: لوريال Primer L’Oreal Professional Studio Secrets, سماش بوكس Primer Smashbox Photo Finish, ميك اب فورايفر Make Up For Ever Smoothing Primer.


اعرفي ازاي تختاري البرايمر المناسب لنوع بشرتك


2- البرايمر المناسب للبشرة الدهنية:

لو بشرتك دهنية فانتي اكيد محتاجة نوع البرايمر اللي بيطفي لمعة البشرة والوقاية من افراز الدهون واللمعة على مدار اليوم, لان البشرة الدهنية بتكون مسامات البشرة فيها كبيرة وبالتالي بتفرز دهون كتير والبرايمر هيساعد على تقليل حجم المسام وعشان البشرة الدهنية معرضة لحب الشباب هتبقى محتاجة نوع البرايمر المكافح لحب الشباب.
افضل انواع البرايمر المناسبة للبشرة الدهنية: مايبيلين Maybelline Baby Skin, برايمر بينفيت Primer The Porefessional Benefit , فلورمار Primer Flormar illuminating, لوريال PrimerL’Oreal Infallible, سماش بوكس Primer Smashbox Photo Finish, ميك اب فورايفر Makeup Forever Mattifying Primer.


اعرفي ازاي تختاري البرايمر المناسب لنوع بشرتك


3- البرايمر المناسب للبشرة الجافة:

البشرة الجافة بتكون محتاجة ترطيب زيادة وبالتالي انتي محتاجة برايمر يساعد على ترطيبها ويديها ضي وينورها, والبشرة الجافة اكتر بشرة صعبة في اختيار نوع البرايمر المناسب لان لازم لما تيجي تختاري تجيبي النوع اللي يديكي ترطيب عالي وفي نفس الوقت خفيف على البشرة.
افضل انواع البرايمر للبشرة الجافة: لوريال Primer L’Oreal Professional Studio Secrets, ميك اب فورايفر Primer Makeup Forever HD Microperfecting و Nourishing Primer, ماك MAC Prep Prime , مايبيلين Maybelline Dream Smooth Primer, ريفلون Primer Revlon Photoready.



اعرفي ازاي تختاري البرايمر المناسب لنوع بشرتك



4- البرايمر المناسب للبشرة المختلطة:

البشرة المختلطة اللي بتكون جامعة ما بين البشرة الدهنية في منطقة التي زون وباقي البشرة بتكون جافة, وفي الحالة دي قدامك اختيارين انك تختاري برايمر محايد اللي يكون مش مطفي بنسبة مية في المية وفي نفس الوقت ميعملش لمعة للبشرة, وهتكون مهمتة الاساسية هي تثبيت المكياج لفترة طويلة.
او تختاري نوعين برايمر نوع للبشرة الدهنية تحطيه على منطقة التي زون ونوع تاني لباقي اجزاء البشرة اللي بتكون جافة.
افضل انواع البرايمر للبشرة المختلطة: سماش بوكس Smashbox Photo Finish, بينفيت Primer The Porefessional Benefit, ميك اب فورايفر Make Up For Ever Mattifing Primer.


اعرفي ازاي تختاري البرايمر المناسب لنوع بشرتك


5- البرايمر المناسب للبشرة اللي بتعاني من التجاعيد:

البرايمر يعتبر من الخطوات المهمة بشكل خاص للبشرة اللي بتعاني من التجاعيد لانه بيساعد انه يملى التجاعيد وفي الحالة دي هتكوني محتاجة برايمر يدي ترطيب للبشرة وفي نفس الوقت من غير لمعة مع واقي من الشمس وعناصر مكافحة للشيخوخة والمواد المضادة للأكسدة عشان يكون ليها تأثير ايجابي على صحة البشرة.
افضل انواع البرايمر للبشرة اللي بتعاني من التجاعيد: سماش بوكس Smashbox Photo Finish Luminizing Primer, ريفلون Primer Revlon Photoready, ميك اب فورايفر Make Up For Ever Smoothing Primer.


اعرفي ازاي تختاري البرايمر المناسب لنوع بشرتك


6- البرايمر المناسب للبشرة الحساسة:

البرايمر ممتاز للبشرة الحساسة لانه بيعمل حاجز او طبقة اضافية بتحمي البشرة من العوامل الخارجية اللي ممكن تضرها, وانسب انواع البرايمر للبشرة الحساسة اللي بتكون فيها نسبة عطور منخفضة عشان متس
ببش اي تهيج للجلد.
ولو بشرتك بتعاني من الاحمرار يبقى احسن برايمر ليكي هو البرايمر الاخضر اللي بيكون داخل في مكوناته عناصر مهدئة للبشرة زي الشاي الاخضر, وفي نفس الوقت استخدمي كمية قليلة من كريم الاساس.
افضل انواع البرايمر للبشرة الحساسة: فلورمار Primer Flormar illuminating, ميك اب فورايفر Make Up For Ever Hydrating Primer.


اعرفي ازاي تختاري البرايمر المناسب لنوع بشرتك



ازاي تحطي البرايمر على البشرة بطريقة صح؟

1- اول حاجة تنضيف البشرة كويس اغسليها بالغسول المناسب, ومتنشفيش البشرة بشكل عنيف او قوي بس بطريقة الطبطبة وخليها رطبة شوية لان المكياج بيطلع شكله احلى على الجلد الرطب.

2- تاني خطوة حطي المرطب المناسب للبشرة ولو بشرتك دهنية ممكن تتخطي خطوة المرطب لان البرايمر هيوفرلك الترطيب اللي بشرتك محتاجاه, لكن لو بشرتك جافة او هتستخدمي برايمر من النوع اللي بيطفي لمعة البشرة بنسبة مية في المية يبقى حطي مرطب خفيف سريع الامتصاص وخالي من الزيوت, لان بعض انواع المرطبات والصن بلوك مش بتمشي مع البرايمر وممكن تسبب تقشر البشرة عشان كده لازم نتأكد من اختيار مرطب سريع الامتصاص على البشرة.

3- هنيجي دلوقتي لخطوة البرايمر خدي كمية بسيطة جدا في حجم حبة البازلاء وافرديها على بشرتك كلها من اول الجبين والانف والدقن والخدين والفكين, واستخدمي ايديك في مزجه على البشرة هتكون اسهل وهيندمج احسن من استخدام فرشة او سفنجة مكياج.

4- افردي البرايمر على البشرة لتحت في حركات دائرية خفيفة عشان توزعيه كويس بالتساوي وتملي كل مسام البشرة بطبقة رقيقة.

5- استني من 3 – 5 دقايق عشان البرايمر يتشرب ويندمج على بشرتك كويس قبل ما تحطي اي حاجة تانية.

6- دلوقتي بشرتك هتبقى مستعدة لكريم الاساس وهتلاقيه بيتفرد على البشرة بشكل اسهل واحسن بكتير, حطي كريم الاساس بتاعك بالطريقة المعتادة اللي انتي متعودة عليها, وحتى للبشرة اللي مافيهاش عيوب هتبقى مش محتاجة كريم اساس البرايمر هيكون كافي جدا لبشرتك.

7- حطي باقي المكياج بتاعك بالطريقة العادية جدا.


اعرفي ازاي تختاري البرايمر المناسب لنوع بشرتك



– حيل مكياج باستخدام البرايمر:

هنقولكم على مجموعة حيل مكياج مفيدة جدا ممكن نستخدم فيها البرايمر.

1- لو اشتريتي كريم اساس وطلع لونه غامق عن لون بشرتك ممكن تفتحيه بانك تخلطيه بالبرايمر قبل ما تطبقيه على البشرة.

2- لو عايزة تثبتي الروج بتاعك لفترة اطول حطي على الشفايف قبل الروج طبقة خفية من البرايمر وبعدين حطي الروج الحيلة دي هتثبت الروج فترة اطول.

3- لو مش عايزة تحطي البرايمر على البشرة كلها ممكن تكتفي بانك تحطي نوع برايمر مطفي خالي من الزيوت على منطقة التي زون بس.

4- لو عندك مشكلة شعر الحواجب مش مترتب بعد ما تخلصي رسمة الحواجب وتمليها حطي عليها برايمر هيساعدك انه يخلي شعر الحواجب مترتب ومظبوط لكن استخدمي اي نوع برايمر ماعدا الـ Luminizing.


اعرفي ازاي تختاري البرايمر المناسب لنوع بشرتك


اعرفي ازاي تختاري البرايمر المناسب لنوع بشرتك

و بكده يكون الموضوع خلص
أتمنى يكون عجبكم يا حوريات
و من فضلكم متنسوش التقييم





اعرفي ازاي تختاري البرايمر المناسب لنوع بشرتك




huvtd h.hd jojhvd hgfvhdlv hglkhsf gk,u favj; lkhsf hgfavm hojdhv fvhdlv k,u ;dtdm

__________________
♥♥♥♥
نقرتين لعرض الصورة في صفحة مستقلة

نقرتين لعرض الصورة في صفحة مستقلة


من مواضيع Super Girl

رد مع اقتباس
  #2  
قديم 14-07-2018, 02:13 PM
الصورة الرمزية ساجده حتى الممات
ساجده حتى الممات ساجده حتى الممات غير متواجد حالياً
مديرة المنتدى
http://7or3en.com/up/do.php?imgf=147215092093181.gif
 
تاريخ التسجيل: Jul 2016
المشاركات: 22,320
معدل تقييم المستوى: 10
ساجده حتى الممات تم تعطيل التقييم
وسام رمضانيات حوروسام الدورات الاسلاميةوسام وردة حور عينوسام جوهرة حور عينوسام السوبر ستاروسام العضوة المتميزةوسام العضوة المبتكرةوسام اسلاميات حور عينوسام نجمة حور 2017وسام الادارية النشيطةوسام لؤلؤة حور عينوسام الإبداعوسام العضوة المثاليةوسام المشرفة المثاليةوسام النشاط والتميز فى اقسام المنوعات و الترفيهوسام سندريلا حور عينوسام النشاط والتميز فى قسم الثقافة و المعلوماتوسام النشاط والتميزوسام اليكسا تول باروسام أوفياء المنتدىوسام النشاط والتميز فى القسم الاسلامىوسام النشاط والتميز فى قسم الدردشةوسام أميرة حور عينوسام النشاط الاجتماعىوسام نجمة حور 2016وسام التفاعلوسام الفائزة بالكأس الفضىوسام دعم صفحة حورعين على الفيس بوكوسام الحورية المتألقةوسام المشاركة المتميزةوسام دعم حور عينوسام النشاط الاداري المتميزوسام الحورية اللهلوبةوسام العضوة المؤسسة
افتراضي

انا : ساجده حتى الممات


تسلم ايدك حبيبتى
موضوع جميل ومميز
بارك الله فيكِ
ممتاااااااز
__________________

من مواضيع ساجده حتى الممات

رد مع اقتباس
  #3  
قديم 14-07-2018, 08:38 PM
الصورة الرمزية أحلي نوجه
أحلي نوجه أحلي نوجه غير متواجد حالياً
http://7or3en.com/up/do.php?imgf=147036898263943.gif
 
تاريخ التسجيل: Jul 2016
المشاركات: 29,363
معدل تقييم المستوى: 31
أحلي نوجه will become famous soon enough
وسام النشاط والتميز فى قسم الكمبيوتر والانترنتوسام النشاط والتميز فى قسم الموبايلاتوسام النشاط والتميز بقسم ديكورات ومستلزمات منزليةوسام النشاط والتميز فى القسم الاسلامىوسام الابداع في اختيار عناوين المواضيعوسام العضوة المتميزةوسام عروسة حور عينوسام اسلاميات حور عينوسام نجمة حور 2017وسام العضوة المثاليةوسام نجمة حورعينوسام النشاط والتميز فى قسم البشرةوسام النشاط والتميز فى أقسام صحية و طبيةوسام النشاط والتميزوسام التفاعلوسام جوهرة حور عينوسام لؤلؤة حور عينوسام سندريلا حور عينوسام أنشط عضوةوسام اليكسا تول باروسام المهارةوسام النشاط الاجتماعىوسام نجمة حور 2016وسام النشاط والتميز فى اقسام المنوعات و الترفيهوسام دعم صفحة حورعين على الفيس بوكوسام أميرة حور عينوسام النشاط والتميز فى قسم الثقافة و المعلوماتوسام الفائزة بالكأس البرونزىوسام الحورية المتألقةوسام ملكة الاناقةوسام المشاركة المتميزةوسام الفائزة بالكأس الذهبىوسام الفائزة بالكأس الفضىوسام العضوة المؤسسةوسام الحورية اللهلوبة
افتراضي

انا : أحلي نوجه


تسلمى ياحبيبتى
موضوع جميل زيك

ممتاز
__________________
{ربي كما حفظت كتابك إلى يوم الدين إحفظ ذريتي من الشيطان الرجيم وأرزقهم اللهم صحبة الأخيار وخصال الأطهار والتوكل عليك ياجبار ربي وإشفهم من مرض القلوب والأبدان وبلغني فيهم غاية املي ومناي ومتعني اللهم ببرهم في حياتي وأسعدني بدعائهم بعد مماتي}



من مواضيع أحلي نوجه

رد مع اقتباس
إضافة رد

مواقع النشر (المفضلة)

الكلمات الدلالية (Tags)
مناسب, البشرة, اختيار, برايمر, نوع, كيفية


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:10 AM


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157