المساعد الشخصي الرقمي

مشاهدة النسخة كاملة : ازاى تكونى متميزة؟............كلام من القلب .......المختلفة


المختلفة
13-11-2016, 09:46 AM
السلام عليكم
بجد موضوع كنت عايزة اتكلم فيه ومش عارفة ابدا منين امممممممممممممم تيجوا نبدا بسؤال؟تختلفى عن غيرك بايه؟
للاسف بندخل كتير بيوت تحسى انها ميتة ممكن صاحبة البيت تنسى تفتح شبابيك الاوض بالايام ولو دخلتى تقابلك هى واطفالها بالشعر اللى مش متسرح واللبس اللى مش نضيف وتاخد من يومها اربع ساعات تفكر اكل ايه؟؟؟؟؟؟؟؟؟؟ايه اللى يتعمل على السريع وترسى على فرخة مشوية او شوية سمك برضه مشوين بره وممكن يعدى الشتا كله متعملش حلة محشى لانه بياخد وقت وتقول اصلى باكله عند ماما
وخدى من ده كتير للاسف النموذج ده انتشر جدا ...........اول سؤال يتبادر لذهنى لما بشوف النوعية دى يا ترى الزوج ايه رايه فى بيته ؟ايه رايه فى زوجة تصحى من نومها العصر او حتى الظهر ؟بجد انا عن نفسى ببقى حزينة وببقى نفسى افوقها لنفسها ...........بتغاظ اوى لما واحدة تسئلنى انتى عملتى الكيك ده ازاى اصلى مبعرفش ممكن تعمليلى صينية؟3en43طيب ما تخدى الطريقة 3en1تقول اصلى مبعرفش وهى اصلا مش عايزة تتعب نفسها .....اكيد قابلتوا النوعية دى كتير
وعلى النقيض ناس تدخلى بيوتهم تحسى انك منبهرة 3en72مش بتكلم عن السجاد الغالى ولا الستاير الهاى انا بتكلم عن روح موجودة فى الشقة ونفس جميل وواحدة ست تبصمى بالعشرة انها ست3en26 مش ست اشهر ههههههههههه
واحدة ست لو تعبت شوية البيت كله يحس بالفرق
واحدة ست تبدا يومها بدرى عشان الولاد مش يضطروا اول ما يجوا من المدرسة ياكلوا اكل جاهز يعنى اضرار واستنزاف اموال
واحدة ست مش تدى ولادها الصغيرين مفتاح الشقة عشان ميصحوهاش من نومها تفتحلهم الباب ويقلقوا راحتها
واحدة ست لها دور فى بيتها مش جوزها هو اللى بيشترى لبسها وخضار البيت
واحدة ست بناتها مش بيسئلوها ليه يا ماما مش بتعملى لنا تسريحات زى اصحابنا
واحدة ست مش بتنسى صلاتها ولا مصحفها
واحدة ست مش كل كلامها الجارة اشترت والجارة لبست وانا زى منا
واحدة ست مش بتدور على عيوب فى سلفتها وبتشغل نفسها بنفسها وبعيالها وبس
واحدة ست تدور ورا ولادها
واحدة ست تنسى عيوب زوجها وتشوف الكويس فيه
واحدة ست تقتنع ان سلايفها واخوات جوزها بشر زى اى حد مش ملايكة وتبطل تشتكى منهم لزوجها وتعرف انه جاى من شغله يسمع كلمة حلوة وخبر يفرح
واحدة ست لو راحت عند والدتها او حماتها تاخد اكلة حلوة وتساعد مش تستنى الكبار يخدموها ويعملولها اللى نفسها تاكله
واحدة ست بتفتح شنط ولادها تدور فيها مسطرة غريبة او حاجة مش تخصهم وتسئل ولادها منين دى
واحدة ست تفتح كراريس ولادها تشوف تنبيهات المدرسة
واحدة ست تعرف حقوق بيتها
.
.
.للاسف الست دى بقى وجودها نادر ..........للاسف الست دى زوجها مظلوم
يا ريت تقولى رايك وتشاركينى موضوعى

ساجده حتى الممات
13-11-2016, 10:03 AM
والله النموذج الجميل موجودكتييييير الحمد لله
ربنا يبارك فيهم ياااارب
جميل ياحبيبتى ربنا يكرمك
ممتاااااااز

المختلفة
13-11-2016, 10:13 AM
والله النموذج الجميل موجودكتييييير الحمد لله
ربنا يبارك فيهم ياااارب
جميل ياحبيبتى ربنا يكرمك
ممتاااااااز

كتير فى الجيل بتاعنا بس الجيل الجديد قليل اوى ولا انتى مش معايا؟

لحياتى معنى
13-11-2016, 10:36 AM
مش موضوع جيل على فكره لانى شفت ستات اكبر منى ومهمله وستات من سنى وبرضه مهمله الرك على التربيه
انتى زرعتى فى بنتك ايه
علمتيها تبقى مسئوله والا لا ماهى المسئوليه بتبقى من اول سريرك وهدومك وادوات المدرسه لحد ما تكبر وتشيل البيت كله معاكى
علمتيها تعتمد على نفسها والا فضلتى مريحاها لحد ما راحت بيت جوزها
الموضوع مش بس اكل
الموضوع اننا لما الابن يبتدى يوصل لسن 3 سنين لازم يعرف انه له مسئوليه وانك بتعتمدى عليه فى حاجات بسيطه
للاسف احنا بنعلم ولادنا الاتكال على الاخرين لحد ما يكبروا ونتصد انهم طلعوا انانيين ومش بيهتموا بينا
دايما نحسس ولادنا انه فرد من المجتمع وفعال وزى ما بيعرف ياخد لازم يدى
ربنا يعينا على تربيتنا لولادنا ويطرح فيهم البركه

ساجده حتى الممات
13-11-2016, 11:49 AM
كتير فى الجيل بتاعنا بس الجيل الجديد قليل اوى ولا انتى مش معايا؟
المشكله مش فى الجيل ده او اللى قبله
الام اساس اى جيل ومجمتع
لازم الام تعود اولادها كلهم مش بنات وبس لاالاولاد كمان
على كل حاجه فى البيت لو الطفل اتعود على تحمل المسئوليه من صغره
بيطلع يعتمد على نفسه ولايبقى حمل وعبء على الآخرين