المساعد الشخصي الرقمي

مشاهدة النسخة كاملة : تغلبي على خوفك من الزواج الثاني (من نور)


نور العيون ♥
21-10-2016, 11:51 PM
بسم الله الرحمن الرحيم

http://7or3en.com/up/do.php?imgf=147889748386651.gif (http://7or3en.com/up/)
تغلبي على خوفك من الزواج الثاني تجربة الدخول لعش الزوجية للمرة الثانية بعد الطلاق ممكن تكون تجربة صعبة جدا، لإن الواحد بيكون مر بتجربة قبلها غير ناجحة و بيكون شاف بعينيه إن الجواز مش حاجة سهلة، وليس من رأى كمن سمع! بس الزواج غير الناجح لا يؤدي بالضرورة إلى زيجات أخرى غير ناجحة، طالما الواحد هايقدر يعمل الخطوات الجاية اللي هانقولك عليها واللي ماننصحكيش بدخول أي علاقة جديدة من غير ما تعمليها..

إقلبي الصفحة:

لازم تكوني تخطيتي كل مشاعرك السلبية تجاه زوجك السابق وتكوني سامحتيه وقلبتي الصفحة عشان تقدري تاخدي أي خطوة للأمام.. الزمن هيساعدك في النقطة دي، بس لازم إنتي كمان تتخطي مشاعر المرارة والحزن اللي تسبب فيها طلاقك قبل ما تتسرعي تدخلي في أي علاقة جديدة..

إبتدي في مكان جديد:

إبتدي حياتك الجديدة في مكان جديد بعيد عن بيتك الأول.. ماتخليش أشباح الماضي تحاوطك وتهدد حياتك الجديدة، وحتى لو مكانش عندك مشاكل في الحياة وسط ذكرياتك القديمة، ممكن زوجك الجديد ينزعج من ده..

إعرفي اللي ليكي واللي عليكي:

مفيش حد فينا ملاك، وكلنا بنرتكب أخطاء.. لازم تعترفي بأخطائك اللي إرتكبتيها في الزواج السابق عشان تمنعي تكرارها في الزواج الثاني.. إقعدي جلسة صدق مع نفسك وصارحي نفسك بالحقيقية.. ممكن تكوني مادعمتيش زوجك كفاية.. ممكن تكوني غيورة أكتر من اللازم.. ممكن تكوني عندية .. إلخ

واجهي مخاوفك:

خليكي واضحة في علاقتك الجديدة وإتكلمي عن مخاوفك وعبري عن قلقك بصراحة، وماتكبتيش حاجة لإن الكبت بيولد الإنفجار، ولو بعد سنين! فرغي طاقتك السلبية وإبحثي عن حلول عملية لمشاكلك وماتدفنيش راسك في الرمل زي النعامة وتهربي منها.

إعرفي شريكك الجديد كويس قوي:

إعملي علاقة قوية وعميقة مع شريكك الجديد، لازم تتأكدي إن هو ده فعلا الشخص اللي إنت محتاجة تبدأي معاه صفحة جديدة من حياتك، وإن وجوده مش مجرد إحتياج عاطفي أو خوف من الوحدة أو رغبة في إرضاء المجتمع أو إنتقام من زوجك الأول! إنتي اللي هاتعيشي مع الشخص الجديد مش أي حد تاني، ولازم تكوني متأكدة من مدى قوة علاقتكم ومن معرفتك التامة ليه قبل الزواج.

إتكلمي مع متخصص:

ساعات بيكون من الصعب على الواحد تخطي الطلاق لوحده بسبب مشاعر الألم والمرارة المرتبطة بالموضوع، عشان كده ماتتكسفيش أبدا من إنك تتكلمي مع أخصائي نفسي يساعدك.. سيبك من الأفكار العقيمة بتاعه الاخصائي النفسي المجنون ابو شعر منكوش اللي اتحفتنا بيها الأفلام العربي زمان.. لازم تكوني أكثر وعيا من ده، وإعرفي إن المساعدة النفسية مش عيب وانها هتخليكي تفهمي حاجات كتير عن نفسك وعن علاقتك السابقة عشان تقدري تاخدي خطوة للأمام.

دي نقاط بسيطة هتساعك في التغلب على خوفك من الزواج التاني ، ولو عندك تجربة في الموضوع ده نحب نسمعها ونحب نعرف ايه الصعوبات اللي واجهتيها وتغلبتي عليها ازاي؟

حلم جميل
22-10-2016, 12:05 AM
كلام ممتاااز

بارك الله فيكي يا نونا

سماسم 2061
22-10-2016, 02:54 AM
تسلم ياسكره

نور العيون ♥
23-10-2016, 04:52 PM
كلام ممتاااز

بارك الله فيكي يا نونا
تسلمى يا نودى نورت حبيبتى
ربنا يكرمكـ يارب3en26

نور العيون ♥
23-10-2016, 04:52 PM
تسلم ياسكره
نورتنى حبيبتى 3en26

أم ميزو وسوسو
27-10-2016, 08:28 AM
ممتاز يا قمر سلمت أناملك

نور العيون ♥
27-10-2016, 05:59 PM
ممتاز يا قمر سلمت أناملك
ميزكـ الله بالخير تسلمى حبيبتى

سماسم 2061
28-10-2016, 12:56 AM
ممتااااااااااز
جزاكِ الله كل خير

N$Y$M
30-10-2016, 04:43 PM
تسلم ايدك يانور

حنين عبدالله
30-10-2016, 09:10 PM
الله يجزاك الجنهه ،، ع الطرح الجميلل 3en36

شذى الياسمين
11-11-2016, 10:53 PM
http://uploads.sedty.com/imagehosting/555654_1445875163.gif

ياسمين امين
11-11-2016, 10:55 PM
ممتااز ياقمر